Azərbaycanda ər arvadını bıçaqladı

Astarada bıçaqlanma hadisəsi baş verib. Hadisə rayonun Çayoba (Telman) kəndində qeydə alınıb.

Astara rayon Polis İdarəsindən verilən məlumata görə, rayonun Bürcəli kənd sakini 1955-ci il təvəllüdlü Nurəddin Şöhrət oğlu Nuriyev aralarında yaranan şəxsi münasibətlər zəminində həyat yoldaşı 1959-cu il təvəllüdlü, Heyran Barat qızı Əliyevanı bıçaqlayıb.

Yaralı dərhal Lənkəran Rayon Mərkəzi Xəstəxanasının Reanimasiya şöbəsinə yerləşdirilib.

Xəstəxanadan yaralıya 5 bıçaq zərbəsi vurulduğunu, vəziyyətinin ağır olaraq qaldığını bildirdilər.

Faktla bağlı Astara Rayon Polis Şöbəsində araşdırma aparılır.

4 gün əvvəl Lənkəranda bıçaqlanma hadisəsi baş vermişdi. Rayonun Şilavar kənd sakini 1987-ci il təvəllüdlü Elmar Amil oğlu Məmmədov həyat yoldaşı 1991-ci il təvəllüdlü Dilbər Eldəniz qızı Abbaszadə tərəfindən bıçaqlanmışdı. (ans)

Ölkə.Az