Xaçmazda yanğın
Xaçmazda yaşayış evində baş verən yanğın zamanı evdə tək olan uşağı son anda xilas etmək mümkün olub.
Hadisə rayonun Müskür kəndində baş verib.
Kənd sakini, 58 yaşlı Əlfimə Muradovaya məxsus birmərtəbəli evdə başlayan yanğın tikilinin böyük əksəriyyətini qısa zamanda məhv edib.
Həmin vaxt isə ev sahibləri əkin sahəsində olub. Evin yanmayan otağında tək qalan azyaşlını qonşular xilas edə biliblər.
Əraziyə cəlb edilən FHN-nin Xaçmaz yanğından mühafizə hissəsinin 2 yanğınsöndürən maşını alovu iki saatdan sonra tam söndürə bilib.
Evdəki bütün əşyalar və avadanlıqlar yanıb. Yanğının baş vermə səbəbləri araşdırılır.
Ölkə.Az
