Bakıda ağır qəza - Avtomobil şagirdi məktəbin önündə vurdu - VİDEO/YENİLƏNİB
“Bakı şəhəri, Yasamal rayonu Parlament prospektində yol-nəqliyyat hadisəsi nəticəsində xəsarət alan məktəbli Kliniki Tibbi Mərkəzin Təcili təxirəsalınmaz tibbi yardım şöbəsinə yerləşdirilib”.
Bu barədə Oxu.Az-a mərkəzdən bildirilib.
Aparılan müayinələr zamanı xəsarət alan məktəbliyə sağ bazu sümüyünün sınığı diaqnozu qoyulub. Vəziyyəti orta ağır olaraq qiymətləndirilir. Hazırda zəruri müayinələr davam etdirilir.
Qeyd edək ki, avtomobilin vurduğu məktəbli qız Elm və Təhsil Nazirliyinin İncəsənət Gimnaziyasının 7-ci sinif şagirdi olub.
Onu vuran sürücü 1988-ci il təvəllüdlü Mirazad Əliyev isə saxlanılıb.
***
Paytaxtda piyadanın iştirakı ilə ağır yol qəzası baş verib.
Ölkə.qaz-ın baku.ws-ə istinadən məlumatına görə, hadisə Parlament prospektində, 20 nömrəli məktəbin qarşısında qeydə alınıb.
Hadisə şahidinin sözlərinə görə, qəza zamanı “Mercedes GL” markalı avtomobil şagirdi vurub.
Sözügedən görüntüləri təqdim edirik:
