Anasını döyən atasını güllələyib öldürdü
Anasını döyən atasını güllələyib öldürdü.
"Ölkə.Az" xəbər verir ki, hadisə Türkiyədə baş verib.
Bir müddətdir ayrı yaşayan və bir-birləri ilə problem yaşayan Ferhat Özkaraca ilə həyat yoldaşı Ayşegül Özkaraca ötən gecə naməlum səbəbdən mübahisə edib. Mübahisə böyüdükcə məsələyə Ferhat Özkaracanın qardaşları müdaxilə edərək cütlüyü ayırmağa çalışıblar. Daha sonra çütlüyün 3 uşağı evə gəlib. Uşaqlarından biri evdən götürdüyü ov tüfəngi ilə atasına atəş açaraq hadisə yerindən qaçıb.
Ağır bədən xəsarəti alan yaralı xəstəxanaya çatdırılsa da, onun həyatını xilas etmək mümkün olmayıb.
Ölən Ferhat Özkaracanın həyat yoldaşı ifadəsində qətli özünün törətdiyini, həyat yoldaşından ayrı yaşadıqlarını və ərinin ona davamlı təcavüz etdiyini bildirib. Lakin cinayəti törətməkdə şübhəli bilinən 19 yaşlı F.Ö. hadisədən 3 saat sonra polis bölməsinə gələrək könüllü təslim olub.
Araşdırma aparılır.
