Ağdaşda 17 yaşlı gənc Yuxarı Şirvan kanalında batıb
Ağdaşda 17 yaşlı gənc Yuxarı Şirvan kanalında batıb.
"Ölkə.az" "Report"a istinadla xəbər verir ki, saat 16:00 radələrində Yuxarı Şirvan kanalının rayonun Bulaqotağı kəndindən keçən hissəsində qeydə alınıb.
Rayonun Orta Ləki kənd sakini, 2006-cı il təvəlludlü Kərimli Samir Mirzə oğlu dostları ilə su kanalında çimərkən boğulub. Dostları onu sudan çıxarmaq istəsələr də buna müvəffəq ola bilməyiblər.
Hadisə yerinə FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu cəlb olunub.
Hazırda S.Kərimlinin axtarılması istiqamətində zəruri işlər davam etdirilir.
