Şəmkirdə avtomobillər toqquşub: xəsarət alanlar var 

Şəmkir rayonunda avtomobil qəzası olub, bir ailənin 3 üzvü xəsarət alıb.

"Ölkə.az" "Report"a istinadla xəbər verir ki, hadisə Şəmkir rayonunun Yeni Həyat kəndində qeydə alınıb.

İki minik avtomobilinin toqquşması nəticəsində 1996-cı il təvəllüdlü Nargilə Bayramova, onun oğlu, 2016-cı il təvəllüdlü F.Qurbanov, 2018-ci il təvəllüdlü Z.Qurbanova və digər avtomobildə olan 2005-ci il təvəllüdlü Nizami Həsənov xəsarət alıb.

Zərərçəkmişlər xəstəxanaya aparılıb, vəziyyətləri kafi və qənaətbəxş qiymətləndirilir.

Faktla bağlı araşdırma aparılır.