Gəncədə yolu keçmək istəyən piyadanı maşın vurub

 

Hadisə şəhərin Nəriman Nərimanov prospektində 10 saylı orta məktəbin yaxınlığında qeydə alınıb. Bərdə rayon sakini, 1976-cı il təvəllüdlü Elnur İbişov yolu keçmək istəyərkən “Lada Priora” markalı avtomobil tərəfindən vurulub. Yaralı dərhal Gəncə Şəhər Təcili Tibbi Yardım Xəstəxanasının travmatologiya şöbəsinə yerləşdirilib. Onun vəziyyətinin orta-ağır olduğu bildirilir.

 

Faktla bağlı Gəncə Şəhər Baş Polis İdarəsində araşdırma aparılır.  (APA)