Su polosu üzrə Heydər Əliyevin 100 illiyinə həsr edilən yeniyetmələr arasında Bakı birinciliyi - FOTO - VİDEO
"QARABAĞ Water Polo" klubunun təşkilatçılığı ilə Baku Oxford School məktəbində Ulu Öndər Heydər Əliyevin 100 illiyinə həsr olunmuş yeniyetmələr arasında Bakı birinciliyi keçirilib.
Ölkə.az xəbər verir ki, turnirdə Respublika Yüksək İdman Ustalığı Məktəbi (RYİUM), Partner Group Baku Water polo, QARABAĞ WP, SKA water polo, Grow group, Baku Oxford School komandaları iştirak edib.
Partner Group Baku Water polo klubu bütün rəqiblərə qalib gələrək turnirin qalibi olub.
2-ci və 3-cü yerləri Baku Oxford School və SKA WP komandaları tutub.
Turnirin qalibləri medallarla və bütün turnir iştirakçıları hədiyyələrlə mükafatlandırılıblar.
Turnirdə Partner Group Baku klubunun rəhbəri Aleksandr Boqatıryov, Qarabağ WP klubun rəhbəri Ümüd Məmmədov və Olimpiya, Dünya və Avropa laureatı, Rusiyanın əməkdar idman ustası, Bakıdakı Rus Evinin rəhbəri İrek Zinnurov da iştirak edib.
