Gəncədə intihara cəhd

Şəmkir rayon sakini Gəncənin mərkəzində yeni tikilməkdə olan binanın 8-ci mərtəbəsinə çıxaraq intihara cəhd edib.

Ölkə.Az xəbər verir ki, APA TV-nin qərb bürosunun məlumatına görə,Tamerlan Ələsgərov özünü 8-ci mərtəbədən atmaq istəyib.

Hadisə yerinə FHN-in və Gəncə şəhər hüquq-mühafizə orqanlarının əməkdaşları cəlb edilib. Aparılan danışıqlar nəticəsində Tamerlan Ələsgərovu fikrindən daşındırmaq mümkün olub.

İntihar cəhdinin səbəbləri araşdırılır.