Bakı-Sumqayıt yolunda ağır yol qəzası+Ölən və yaralananlar var

Bakı-Sumqayıt yolunda - Ceyranbatan su anbarının yaxınlığında ağır yol qəzası baş verib.

Ölkə.Az xəbər verir ki, Trend-in hadisə yerində olan əməkdaşının verdiyi məlumata görə, içərisində sərnişinlər olan "Ford" markalı mikroavtobus arxadan vurulan zərbə nəticəsində idarəetməni itirib və yol kənarındakı maneəyə çırpılıb.

Şahidlərin verdiyi məlumata görə, hadisənin baş verməsi nətciəsində ölənlər və yaralananlar var.

Ağır yaralıların xəstəxanalara çatdırıldığı bildirilir.

Hadisə yerində araşdırmalar aparılır.

***

Sumqayıt Şəhər Təcili Tibbi Yardım Xəstəxanasından Trend-ə verilən məlumata görə, hazırda tibbi yardım briqadaları hadisə yerindədir.

İlkin məlumata görə, hadisə nəticəsində ölən və yaralananlar var.

Ölkə.Az