Sumqayıtda baş verən yol qəzası ilə bağlı

Sürücü hadisə yerindən qaçıb

Xəbər verdiyimiz kimi, Bakı-Sumqayıt yolunda Ceyranbatan su anbarının yaxınlığında ağır yol qəzası baş verib. Belə ki, içərisində sərnişinlər olan "Ford" markalı mikroavtobus arxadan vurulan zərbə nəticəsində idarəetməni itirib və yol kənarındakı maneəyə çırpılıb.

Nəticədə 3 nəfər ölüb, 10-u isə ağır yaralanıb.

Ölkə.az-ın əldə etdiyi məlumata əsasən, qəzaya uğrayan mikroavtobus "Embawood" mebel şirkətinə məxsus imiş. Nəqliyyat vasitəsi mütəmadi olaraq şirkətin işçilərini daşıyırmış . Azərbaycan Dövlət Avtomobil Nəqliyyatı Xidmətinin yaydığı məlumata əsasən, qəzaya uğrayan mikroavtobus qanunsuz sərnişindaşıma ilə məşğul olub.

Mikroavtobus 27.07.2015 tarixli etibarnamə ilə 1987-ci il təvəllüdlü Nəbiyev Rusif Səməndər oğluna verilib. Dəhşətli faktlardan biri isə odur ki, qəza zamanı mikroavtobusu idarə edən Baloğlan adlı sürücünün içkili olduğu və hadisə yerindən qaçdığı deyilir. Onun sürücülük vəsiqəsinin olmadığı bildirilir.

Qeyd edək ki, əsası 1996-cı ildə qoyulmuş "Embawood" mebel şirkəti uzun illərdir ki, Azərbaycanda fəaliyyət göstərir.

Ölkə.Az