Uşağı məktəbdən götürməyə getdi

Paytaxtın Binəqədi rayonunda oğurluq hadisəsi baş verib.

Hadisə Hökməli qəsəbəsi Nəriman Nərimanov küçəsi ev 46- da qeydə alınıb. Evin sahibəsi Səbinə Mustafayeva uşağını məktəbdən götürmək üçün evdən çıxıb. Qayıdanda isə xoşagəlməz mənzərə ilə rastlaşıb. Çağırılmamış qonaqlar içəriyə pəncərədən daxil olublar.

Oğurluq hadisəsi Mustafayevlər ailəsində bundan öncə də baş verib. Analoji hadisə ötən ilin fevral ayında da baş verib.

Hazırda faktla bağlı Binəqədi rayon Polis İdarəsində araşdırma aparılır. Səbinə Mustafayevanın evinə daxil olan şəxslərin tutularaq təhvil verilməsi istiqamətində zəruri istintaq tədbirləri aparılır. (Kəpəz TV)

Ölkə.Az