Bakıda qadın ov tüfəngi ilə güllələndi: Qayınatası şübhəlidir - Şok təfərrüat
Qəsdən adam öldürmə faktı ilə bağlı cinayət işi başlanıb
Oktyabrın 19-da saat 9 radələrində Xəzər rayonu Mərdəkan qəsəbəsində 1964-cü il təvəllüdlü Dadaşova Gülnarə Mikayıl qızının ov tüfəngi ilə qəsdən öldürülməsi barədə rayon prokurorluğuna məlumat daxil olub.
"Ölkə.Az" xəbər verir ki, araşdırma zamanı 1935-ci il təvəllüdlü Yaşar Dadaşovun aralarında yaranmış mübahisə zamanı gəlini Gülnarə Dadaşovanı ov silahından atəş açaraq qəsdən öldürməsinə əsaslı şübhələr müəyyən edilib.
Faktla bağlı Xəzər rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanaraq ibtidai istintaq aparılır.
Yaşar Dadaşov hadisədən sonra öz həyatına qəsd etməyə cəhd göstərib və hazırda xəstəxanada müalicəsi davam edir.