Azərbaycanlı iş adamı həbs olundu - ŞOK TƏFƏRRÜAT - VİDEO
Rusiyanın hüquq-mühafizə orqanlarının əməkdaşları Korolevdə 20 il əvvəl qətl törətməkdə təqsirləndirilən biznesmeni saxlayıblar.
Ölkə.Az xəbər verir ki, bu barədə TASS-a İstintaq Komitəsinin Moskva vilayəti üzrə Baş İstintaq İdarəsinin mətbuat xidmətindən məlumat verilib.
Qeyd edilib ki, baş verənlərin mənzərəsini müəyyən etmək və qətli törətməkdə şübhəli olan şəriklərdən birini saxlamaq mümkün olub.
Onun Korolev şəhərindən olan 57 yaşlı iş adamı olduğu üzə çıxıb. Artıq şəxsə qarşı ittiham irəli sürülüb (Rusiya Federasiyası Cinayət Məcəlləsinin 105-ci maddəsinin 2-ci hissəsi “g” bəndi) və həbs qətimkan tədbiri seçilib.
Müstəntiqlərin fikrincə, 2003-cü ildə iki qrup arasında təsir dairələrinin yenidən bölüşdürülməsi və iş adamlarından pul alınması ilə bağlı münaqişə yaranıb.
Nəticədə təqsirləndirilən şəxs 2003-cü il mayın 16-da bir banda qrupunun nümayəndəsi kimi dələduzluq yolu ilə digər qrupun liderini də əlaltılarının artıq onu gözlədiyi Korolevdəki ofisinə gətirib. Daha sonra orada olanlar növbə ilə rəqibə atəş açıblar. Cinayəti gizlətmək üçün onlar kişinin cəsədini xalçaya bükərək Puşkinski rayonundakı meşə zolağında basdırıblar.
“112” Teleqram kanalı öldürülən şəxsin 20 il əvvəl Korolevdə yoxa çıxan Aleksey Zirin, saxlanılan şəxsin isə iş adamı Qalib Yusubov olduğu barədə məlumat yayıb.
Bildirilir ki, Korolevin qanqster iyerarxiyasının zirvəsində öz yerini tutmaq üçün rəqibini öldürən Yusubov olub.
Ölkə.Az-ın Rusiya mediasına istinadən xəbərinə görə, dar dairələrdə "Yaşıl" ləqəbi ilə tanınan Aleksey Zirin 20 il əvvəl Korolevdə yoxa çıxıb. Axtarış heç bir nəticə verməyib. Nüfuzlu kölgəli biznes maqnatının cəsədi cəmi bir neçə gün əvvəl tapılıb.
Oktyabrın 12-də şübhəli şəxs, hörmətli iş adamı və xeyriyyəçi Qalib Yusubov saxlanılıb.
Qalib Yusubov Korolevdə tanınmış şəxsdir. Aktiv vətəndaş mövqeyinə və xeyriyyəçiliyinə görə mükafat və təriflərə layiq görülüb. Hələlik o, yalnız Zirin qətlində ittiham olunur, lakin istintaq Yusubovun cinayət fəaliyyətinin digər aspektlərinin müəyyənləşdirilməsi istiqamətində fəal iş aparır.
Ölkə.Az
