Şəkidə gənc oğlan intihar etdi

Şəkidə 26 yaşlı gənc intihar edib.

Hüquq-mühafizə orqanlarından APA-nın Şəki-Zaqatala bürosuna verilən məlumata görə, hadisə bu gün səhər saatlarında rayonun Qoxmuq kəndində qeydə alınıb.

Qoxmuq kənd sakini, 1989-cu il təvəllüdlü Elçin Eyvaz oğlu Bayramovun meyiti yaşadığı evdə asılmış halda yaxınları tərəfindən aşkar edilib. Araşdırma zamanı E. Bayramovun hələlik istintaqa məlum olmayan səbəb üzündən intihar etdiyi məlum olub.

Faktla bağlı Şəki rayon prokurorluğunda CM-nin 125-ci (özünü öldürmə həddinə çatdırma) maddəsi ilə cinayət işi başlayıb, araşdırma aparılır.

Ölkə.Az