Zaqatala sakinlərindən qanunsuz saxladıqları silahlar götürüldü

Zaqatala sakinlərindən qanunsuz saxladıqları odlu silahlar götürülüb.

Daxili İşlər Nazirliyinin mətbuat xidmətinin Şəki regional qrupundan "Ölkə.az"a verilən məlumata görə, müvafiq icazələri olmayan şəxslər tərəfindən mülki silahın saxlanılması, daşınması və satılması hallarının qarşısının alınması məqsədilə keçirilən tədbirlər zamanı rayon sakinləri – Mustafa Həməliyev, Güləhməd Həsənov və Bəhruz Cavadovdan qanunsuz olaraq saxladıqları ümumilikdə 3 ədəd ov tüfəngi götürülüb.

Faktlarla bağlı araşdırma aparılır.