Yol qəzası törədib qaçan şəxs tutuldu
Bakıda yol qəzası törədib qaçmaqda şübhəli bilinən şəxs tutulub.
Səbail rayon Polis İdarəsindən APA-ya verilən məlumata görə, sentyabrın 26-da naməlum avtomobil Rafiq İsmayılov adlı şəxsi vurub. Xəstəxanaya yerləşdirilən R. İsmayılova tibbi yardım göstərilib.
Polis əməkdaşlarının həyata keçirdikləri əməliyyat-axtarış tədbirləri nəticəsində yol-nəqliyyat hadisəsi törətmiş “Mercedes” markalı avtomobilin sürücüsü - Bakı şəhər sakini Mehdi Xəlilov saxlanılıb.
Faktla bağlı araşdırma aparılır.
Ölkə.Az