Biləsuvarda qəza: Xəsarət alanlar var
Biləsuvarda yol-nəqliyyat hadisəsi olub, biri azyaşlı olmaqla iki nəfər xəsarət alıb.
“Report”un məlumatına görə, hadisə rayonun Əsgərabad kəndində qeydə alınıb.
Minik avtomobilinin “KamAZ” markalı yük maşınına çırpılması nəticəsində iki nəfər xəsarət alıb. Bunlar minik avtomobilinin sürücüsü, 1989-cu il təvəllüdlü Mirsəid Cəfərov və sərnişini, 2017-ci il təvəllüdlü Yusif Mustafayevdir. Onlar rayon xəstəxanasına çatdırılıblar.
Faktla bağlı araşdırma aparılır.
