Polis atasının qanını yerdə qoymayan avtoritet

Ölkə.az xəbər verir ki, jurnalist Əvəz Zeynallının suallarını cavablandıran sabiq Daxili İşlər naziri İsgəndər Həmidov ”qanuni oğru” Lənkəranskinin atasının öldürülməsindən danışıb.

Ömrünün 12 ilini dəmir barmaqlıqlar arxasında keçirən keçmiş daxili işlər naziri İskəndər Həmidovun sözlərinə görə, həmin dövrdə Astaranın Şahağac kəndindəki gömrükxanaya “Dədə” ləqəbli cinayətkar dəstənin başçısı rəhbərlik edirmiş.

Avtoritetin atasını da Lənkərandan Astaraya gedərkən “pekarnı”nın yanında ağaca bağlayıb güllələmişdilər ki, niyə görə Astara sərhədini keçmisən: “Bu da tarixdir. O adamın oğlu bu dəqiqədə qanuni oğrudur - Rövşən Lənkəranski... Məhkəmədə o da Sovetə atdı...”

Xatırladırıq ki, Rövşən Caniyevin atası hüquq-mühafizə orqanlarında xidmət edib. Hadisədən bir müddət keçdikdən sonra həbs olunan qatilin məhkəməsi zamanı gənc Rövşən atasının qanını elə məhkəmə zalındaca, qatili üstündə gizlətdiyi tapança ilə güllələyərək almışdı.

Ölkə.az