Müxalifət partiyasının sədrinin müşaviri xuliqanlıqda ittiham olunur

Azərbaycan Xalq Cəbhəsi Partiyası (AXCP) sədrinin müşaviri Məmməd İbrahim barəsində xuliqanlıq maddəsi ilə cinayət işi başlanıb.

AXCP sədrinin müavini Fuad Qəhrəmanlının APA-ya verdiyi məlumata görə, buna səbəb Mikayıl Quliyev adlı şəxsin şikayəti olub.

Onun sözlərinə görə, M. Quliyev döyüldüyünü iddia edərək 18-ci polis bölməsinə şikayət ərizəsi ilə müraciət edib: “O iddia edir ki, guya Məmməd İbrahim küçədə ona hücum edərək döyüb. Amma bu, yalandır. Şikayətə görə, Məmməd İbrahim barəsində Cinayət Məcəlləsinin 221-ci maddəsi ilə (xuliqanlıq) cinayət işi başlanıb və 48 saatlıq həbs verilib. Yəqin ki, iş məhkəmə müstəvisində həll olunacaq”.

Ölkə.Az