Rusiya BTR-i Xankəndidə qəzaya uğradı: ölü və yaralılar var - YENİLƏNİB
2023-cü il dekabrın 11-də Azərbaycanın Qarabağ iqtisadi rayonu ərazisində müvəqqəti olaraq yerləşdirilmiş Rusiya sülhməramlı kontingentinə məxsus BTR-82-nin dağ yolundan çıxaraq dərəyə aşması nəticəsində Rusiya Silahlı Qüvvələrinin bir hərbçisi həlak olub, iki hərbçi isə orta və ağır xəsarətlər alıb.
"Ölkə.az" xəbər verir ki, bu barədə Rusiya Müdafiə Nazirliyi məlumat yayıb.
Məlumata görə, Azərbaycan tərəfinin iştirakı ilə xəsarət alan sülhməramlılara hər cür tibbi yardım göstərilib.
Xəsarət alan hərbçilər sonrakı müalicə üçün hava yolu ilə Rusiyaya aparılıblar.
***
Rusiya sülhməramlı kontingentinə məxsus zirehli döyüş maşını Xankəndidə dərəyə aşıb.
APA xəbər verir ki, bu barədə Telegram kanallarında məlumat yayılıb.
Qəza nəticəsində 1 rusiyalı hərbi qulluqçunun həlak olduğu, iki nəfərin isə yaralandığı bildirilir.
Yaralılardan birinin vəziyyəti ağır olaraq qiymətləndiririlir.
Yaralılar Xankəndidəki tibb müəssisəsinə çatdırılıb.
