Sumqayıt-Bakı qatarında texniki nasazlıq olub
Bu gün səhər saatlarında Sumqayıt-Bakı elektrik qatarında gecikmə olub.
Oxu.Az xəbər verir ki, saat 07:35-də Sumqayıtdan Bakıya hərəkət etməli olan sürətli sərnişin qatarı 17 dəqiqə gec - saat 07:52-də yola düşüb.
Platformada olan sərnişinlərə buna səbəb kimi texniki nasazlıq göstərilib.
Bundan başqa, saat 07:45-də yola düşməli olan Sumqayıt-Bakı ekspres qatarı saat 08:01-də yola çıxıb.
