Bakıda \"Prius\" pilləkənlərlə yola düşdü - VİDEO - YENİLƏNİB

Bakıda yol hərəkəti qaydalarını kobud şəkildə pozan sürücü saxlanılıb.

"Ölkə.az" xəbər verir ki, Bakı Şəhər Dövlət Yol Polisi (DYP) İdarəsindən bildirilib ki, paytaxtın Xətai rayonunda yol keçidlərinin birində vətəndaşların hərəkətinə təhlükə yaradan “Toyota Prius” markalı, 77-XY-496 dövlət qeydiyyat nişanlı nəqliyyat vasitəsinin sürücüsü Rəsul Rövşən oğlu Novruzov polis əməkdaşları tərəfindən müəyyən olunaraq saxlanılıb.

Sürücü barəsində toplanmış materiallar baxılması üçün rayon məhkəməsinə göndərilib. Məhkəmənin qərarı ilə R.Novruzov 10 sutka inzibati qaydada həbs edilib.

***

Bakıda daha bir sürücünün əməli görənləri heyrətə gətirib.

Bu barədə görüntülər sosial şəbəkələrdə yayılıb. Videodan məlum olur ki, "Toyota Prius" markalı avtomobil paytaxt ərazisində pilləkənlərdən, camaatın arası ilə hərəkət edərək yola çıxıb.

Görüntülərin hansı ərazidə lentə alındığı məlum deyil.//Lent.az