Şəmkirdə evdə yanğın olub - VİDEO
Fövqəladə Hallar Nazirliyinin “112” qaynar telefon xəttinə Şəmkir rayonu, Aşağı Seyfəli kəndində yanğın baş verməsi barədə məlumat daxil olub.
“Ölkə.az” xəbər verir ki, məlumatla əlaqədar dərhal FHN-in Dövlət Yanğından Mühafizə Xidmətinin Şəmkir Rayon Yanğından Mühafizə Hissəsinin qüvvələri əraziyə cəlb olunub.
Hadisə yerində əməliyyat şəraiti qiymətləndirilərkən, yanğının üçotaqlı fərdi yaşayış evində baş verdiyi və bitişik yerləşən evə hər an keçə biləcəyi müəyyən edilib.
Hadisə nəticəsində yanğın baş vermiş fərdi yaşayış evi 60m² sahədə yanıb, ümumi sahəsi 250m² olan bitişik ev yanğından mühafizə olunub.
