Bakı metrosunda panika

Bu gün Bakı metrosunun “İçərişəhər” stansiyasında qatarın hərəkəti dayanıb.

Ölkə.Az xəbər verir ki, qatarda baş verən nasazlıq üzündən tüstülənmə olub. Metropoliten işçilərinin, maşinistlərin cəhdlərinə baxmayaraq qatarı hərəkətə gətirmək mümkün olmayıb. Bu zaman sərnişinlər arasında panika yaşanıb. 

Metropoliten işçiləri tərəfindən çəkiliş etmək istəyən ATV telekanalının əməkdaşlarına - Zümrüd Tahirqızı və operator Mirəli Mirəlioğluna təzyiq olunub. Kameralarını əllərindən almağa çalışıblar. 

***

Metrodakı olaylarla bağlı Ölkə.Az-a açıqlama verən Bakı Metropoliteninin mətbuat xidmətinin rəhbəri Nəsimi Paşayev bildirib ki, artıq hər şey qaydasındadır: "Bəli sözügədən qatarda nasazlıq yarandı. Bunu aradan qaldırmaq üçün nasaz qatarı köməkçi qatara qoşub aparmalı idik. Bu da 40 dəqiqəyə yaxın zamanda baş verdi. Təbii ki, sərnişinlər arasında sıxlıq müşahidə olundu. ATV telekanalının əməkdaşlarına isə heç bir təzyiq olunmayıb. Sadəcə onlara bildirilib ki, metropoliten ərazisində çəkiliş etmək qadağandır. Onlar isə buna məhəl qoymadıqda əməkdaşlarımız buna əngəl olmağa çalışıb". 

Ölkə.AZ