Quba-Xaçmaz yolunda baş verən qəzanın səbəbi bəlli oldu - VİDEO
“Quba-Xaçmaz yolunda baş verən yol-nəqliyyat hadisəsində ölən və yaralanan olmayıb”.
Bu barədə Oxu.Az-ın sorğusuna cavab olaraq Daxili İşlər Nazirliyinin (DİN) Baş Dövlət Yol Polisi İdarəsinin inspektoru, polis leytenantı Elvin Hacıyev bildirib.
Onun sözlərinə görə, hadisə sözügedən yolun 10-cu kilometrliyində qeydə alınıb:
“Hava şəraitinə görə asfalt örtüyü buz bağlayıb. Bu səbəbdən zəncirvari yol-nəqliyyat hadisəsi baş verib. Ölüm yoxdur, nəqliyyat vasitələrinə maddi ziyan dəyib”.
Xatırladaq ki, ötən gün Quba-Xaçmaz yolunda bir neçə avtomobilin toqquşması ilə yol-nəqliyyat hadisəsi baş vermişdi.
