Polisə müraciət edən qadın

Bakıda qadın üzləşdiyi dələduzluq əməli ilə bağlı polisə müraciət edib.

22-ci Polis Bölməsinə şikayət ərizəsi ilə müraciət edən Şəki sakini, 1964-cü il təvəllüdlü Rəsulova Yeganə Tacəddin qızı bildirib ki, 1961-ci ildə Ağstafada anadan olmuş İsmayılov Elşən Tofiq oğlu onun 3 min manat pulunu mənimsəyib. Qadın qeyd edib ki, E.İsmayılov onun məhkəmədə olan mülki işində vəkillik edəcəyinə vəd verib və Mərdanov qardaşları küçəsində ondan 3 min manat alıb. Lakin həmin şəxs vədinə əməl etməyib və pulları da geri qaytarmayıb.

Müraciət əsasında araşdırma aparılır. (lent.az)

Ölkə.Az