Mətn ölçüsü:
  • 100%

Atası qızını basdırdığını dedi, meyit tapılmadı - FOTO (YENİLƏNİB)

Ağdamda 4 il əvvəl itkin düşən 1996-cı il təvəllüdlü Nərgiz Nəcəfovanın atası tərəfindən qətlə yetirilməsi barədə hüquq-mühafizə orqanlarına məlumat daxil olub.
 
“Qafqazinfo” xəbər verir ki, 2020-ci ilin mart ayında yaşadığı evdən çıxaraq bir daha geri qayıtmadığı deyilən və həmin vaxtdan itkin kimi axtarılan qızın atası onu qətlə yetirdiyini və həyətdə basdırdığını bildirib.
 
Məlumatla əlaqədar ailənin yaşadığı İmamqulubəyli kəndində məcburi köçkünlər üçün salınmış qəsəbədəki həyətdə qazıntı aparılıb. Lakin meyit və ya insan qalıqları aşkar edilməyib.
 
Hazırda araşdırma və axtarışlar davam etdirilir.
 
Qeyd edək ki, APA Ağdamda 4 ildir, itkin düşən 2000-ci il təvəllüdlü Nəcəfova Nübar Şikar qızının atası tərəfindən öldürülməsi və meyitinin bu gün tapılması barədə məlumat yayıb. Lakin sonradan Nübar Nəcəfovanın sağ olması, onun böyük bacısı, 1996-cı il təvəllüdlü Nərgizin itkin düşmüş şəxs kimi axtarılması dəqiqləşib.

***

Ağdamda 4 il əvvəl ölən qızın meyiti tapılıb.

APA xəbər verir ki, hadisə rayonun İmamqulubəyli qəsəbəsində qeydə alınıb.
 
Verilən məlumata görə, qəsəbə sakini Nəcəfov Şikar Süleyman oğlu qızı, 2000-ci il təvəllüdlü Nəcəfova Nübar Şikar qızını 4 il əvvəl qətlə yetirərək evin həyətyanı sahəsində basdırıb.
 
Qətlə yetirilib basdırılan şəxsin meyiti hüquq-mühafizə orqanlarının əməkdaşları tərəfindən aşkara çıxarılıb.
 
Faktla bağlı araşdırmalar aparılır.