Azyaşlı qızın cibində məhkuma narkotik keçirməyə çalışan qadın saxlanıldı

Ədliyyə Nazirliyi Penitensiar xidmətin əməliyyat aparatının əməliyyat-axtarış tədbirləri nəticəsində 15 saylı cəzaçəkmə müəssisəsinə psixotrop maddə keçirilməsinin qarşısı alınıb.

Bu barədə Ölkə.Az-a Ədliyyə Nazirliyinin Pentensiar Xidmətindən məlumat verilib.

Məhkum Əfləddin Xəyyam oğlu Seyfullazadə ilə qısamüddətli görüşə gəlmiş tanışı Ülviyyə Azərqızı Rzayevanın və azyaşlı Z.H-nin əşyalarına və üzərilərinə baxış keçirilən zaman Z.H-nin şalvarının arxa cibində gizlədilmiş bükülüdə 0,812 qram metamfetamin aşkar olunub.

Faktla bağlı araşdırma aparılır.