Sərxoş kişi kəndin metal borularını oğurladı

Tovuzda abadlıq- quruculuq işləri üçün istifadə edilən boruları oğurlayan 58 yaşlı kişi saxlanılıb.

Ölkə.Az Kəpəz TV-yə istinadən xəbər verir ki, hadisə rayonun Əyyublu kəndində, Bakı-Qazax avtomagistralının kənarında baş verib. Cavanşir İbrahimov gecə saatlarında yolun ətrafında olan metal boruları çıxararaq öz həyətinə yığıb.

Əyyubluda tək yaşayan kişi ilk dəfədir oğurluq etdiyini deyir və hadisəni necə törətdiyini xatırlamır. Tovuz polisinə əməlini etiraf edən İbrahimov həmin vaxt sərxoş olduğunu bildirib.

Faktla bağlı araşdırmalara başlanılıb.

Ölkə.Az