Ər-arvad və qızı bıçaqlandı, şübhəli tutuldu - Azərbaycanda
Şəmkir rayonunda bıçaqlanma hadisəsi olub.
"Report"un Qərb bürosunun məlumatına görə, hadisə rayonun Düyərli kəndində qeydə alınıb.
Xəsarət alan ər-arvad və qızı xəstəxanaya çatdırılıb, vəziyyəti kafi və orta-ağır qiymətləndirilir.
1972-ci il təvəllüdlü İ.Hüseynov, həyat yoldaşı 1976-cı il təvəllüdlü Ş.Hüseynova və qızları, 1995-ci il təvəllüdlü N.Qənbərli mübahisə zəminində bıçaq xəsarətləri alıblar.
Hadisəni törətməkdə şübhəli bilinən şəxs isə N.Qənbərlinin keçmiş həyat yoldaşıdır. İddiaya görə, o, şəxsi münasibətlər zəminində keçmiş həyat yoldaşına və onun valideynlərinə xəsarət yetirib.
Şübhəli bilinən şəxs saxlanılıb. O, 1991-ci il təvəllüdlü Sahib Heydərovdur.
Faktla bağlı araşdırma aparılır.
