Azərbaycanda kişi Ukrayna vətəndaşı olan arvadını bıçaqladı, yaralı halda qaçdı - FOTO
Azərbaycanda kişi həyat yoldaşına 5 bıçaq zərbəsi endirib.
Ölkə.Az xəbər verir ki, bunu Qadın və Uşaq Sığınacağının sədri Mehriban Zeynalova deyib.
O bildirib ki, dəfələrlə əri tərəfindən şiddətli şəkildə döyülən Ukrayna vətəndaşı olan xanım qonşuların köməyə gəlməsi ilə yaralı vəziyyətdə qaça bilib.
Sığınacaq sədri hadisəni törədən şəxsin hələ də azadlıqda olduğunu deyib.
Daxili İşlər Nazirliyindən Ölkə.Az-ın sorğusuna cavab olaraq bildirilib ki, faktla bağlı araşdırma aparılır:
"Fakt Abşeron RPİ-nin İstintaq Şöbəsində nəzarətə götürülərək, Cinayət Məcəlləsinin müvafiq maddəsi ilə cinayət işi başlanılıb.
Zərərəçəkənin xəsarətlərinin dərəcəsinin müəyyən edilməsi məqsədilə ekspertiza təyin olunub. Araşdırmalar davam etdirilir".
Billurə Yunus
