Mətn ölçüsü:
  • 100%

Azərbaycanda 165 nəfər zəhərlənib - Ölənlər var 

Mart ayında 165 nəfər zəhərlənib. 

Bu barədə Ölkə.Az-a Kliniki Tibbi Mərkəzdən məlumat verilib. Bildirilib ki, qəbul edilən xəstələrdən 13-ü dəm qazından, 76-sı dərmandan və 17-si etanoldan zəhərlənən şəxslərdir.

“Həmçinin 21 nəfər allergik reaksiyadan, 30 nəfər sirkə turşusundan, 7 nəfər həlledici məhluldan (uşaq), 1 nəfər anafilaksiya səbəbindən xəstəxanaya yerləşdirilib”, - məlumatda qeyd olunub.

Həkimlərin səylərinə baxmayaraq, zəhərlənən şəxslərdən 9-u dünyasını dəyişib: 

“Onlardan 4-ü qadın, 5-i kişi olub. Ölüm halları isə sirkə turşusu, etanol və dərman zəhərlənmələrindən qeydə alınıb”.