Bakıda dərmandan zəhərlənən qardaşlardan biri öldü

Bakıda iki qardaş spirt və psixotrop maddədən zəhərlənib, biri dünyasını dəyişib.

Daxili İşlər Nazirliyinin mətbuat xidmətindən verilən məlumata görə, hadisə oktyabrın 19-da Nəsimi rayonunun Mərdanov qardaşları küçəsində qeydə alınıb.

Xırdalan şəhər sakinləri, əvvəllər məhkum olunmuş Tahir Məmmədov və qardaşı Məmməd Məmmədov spirtli içki və psixotrop maddələrin təsirindən zəhərlənmə ilə xəstəxanaya yerləşdiriliblər. 

Tahir Məmmədov xəstəxanada ölüb, digər qardaş isə ilkin tibbi yardım göstərildikdən sonra buraxılıb.

Faktla bağlı araşdırma aparılır.

Ölkə.Az