Antalyadakı kanat qəzasında şübhəli bilinən 13 nəfər saxlanıldı

ürkiyənin Antalya şəhərində Tünektəpə kanat xəttində qəza baş verib. 

“Ölkə.az” xəbər verir ki, kanat xəttinin kabinələrindən biri dirəyə dəyərək parçalanıb. 

Parçalanan kabinədəki 8 nəfər qayalıq əraziyə düşüb. Əraziyə yanğınsöndürmə, polis və xilasetmə qrupları göndərilib.

Hadisə nəticəsində 1 nəfər ölüb, 10 nəfər yaralanıb. 15 kabinədən 98 nəfər təxliyə edilib. Xilasedicilər Antalyada kanat yolunda qəza zamanı ilişib qalanların hamısını təxliyə ediblər.

Daxili işlər naziri Ali Yerlikaya xilasetmə əməliyyatının tamamlandığını vurğulayıb.

Eyni zamanda, ədliyyə naziri Yılmaz Tunç hadisənin araşdırılması çərçivəsində 13 şübhəlinin saxlanıldığını bildirib. Bunların arasında kanatın istismarına cavabdeh olan şirkətin işçiləri də var.