Bakıda vətəndaşı qarət edən quldurlar cəzalandırıldı

Bakı Ağır Cinayətlər Məhkəməsində Bakı ş. sakinləri Ruslan Rzayev, Muğan Teymurlunun və Nail Mehralıyevin CM-nin 181.2.1 (quldurluq, qabaqcadan əlbir olan bir qrup şəxs tərəfindən törədildikdə) və 181.2.5-ci (quldurluq, silah və ya silah qismində istifadə edilən əşyalar tətbiq edilməklə törədildikdə) maddələri ilə təqsirləndirilməsinə dair cinayət işi üzrə məhkəmə prosesi yekunlaşıb.

Bu il martın 28-də gecə saat 03 radələrində Xətai rayonunun Nobel prospektində Ruslan Rzayev, Muğan Teymurlu və Nail Mehralıyev Siyəzən rayon sakini Ruslan Hüseynova basqın edərək, onu bıçaqla hədələyiblər və ona məxsus 53 manat pulu alıblar.

Zərərçəkən hadisə ilə əlaqədar Xətai RPİ 37-ci polis bölməsinə müraciət edib, keçirilən əməliyyat-axtarış tədbirləri nəticəsində şübhəli şəxslər səhərisi gün saxlanılaraq, istintaqa təqdim ediliblər. 

Məhkəmənin hökmü ilə R.Rzayev 10 il, N.Mehralıyev və M.Teymurlu 9 il 6 ay müddətinə azadlıqdan məhrum etmə cəzalarına məhkum olunublar. (oxu.az)

Ölkə.Az