Güclü leysan Ankarada həyatı iflic etdi - VİDEO
Ankarada axşam saatlarında yağan gücü leysan və dolu şəhərdə həyatı iflic vəziyyətə salıb. Prospekt və küçələr gölə çevrilib, metro stansiyaları, evlər və iş yerləri su altında qalıb, küçədə olan insanlar üçün həyatı təhlükə yaranıb.
Ölkə.Az xəbər verir ki, hava şəraiti nəticəsində paytaxtda bir çox yollarda hərəkət dayandırılıb.
Güclü yağış Ankaranın bəzi ərazilərində elektrik enerjisinin kəsilməsinə səbəb olub.
Yağan leysandan zərər çəkən bəzi vətəndaşlar avtobus dayanacaqlarına və metrolara sığınıb, amma Beşevler metro stansiyası da su altında qalıb və sərnişinlər bir müddət stansiyada çıxılmaz vəziyyətdə qalıblar.
Bəzi yeraltı keçidlərdə su yığıldığı üçün polis qrupları giriş-çıxışları bağlayaraq təhlükəsizlik tədbirləri görüblər. Yollarda qalan bəzi avtomobillər evakuator vasitəsilə çıxarılıb.
