Kəlbəcərdə ağır qəza: Xəsarət alan hərbçilərimizdən biri vəfat etdi - YENİLƏNİB

Kəlbəcər rayonunda bir nəfərin ölümü, dörd nəfərin xəsarət alması ilə nəticələnən yol qəzasında zərərçəkənlərin kimliyi müəyyənləşib.

"Report"un Qərb bürosunun məlumatına görə, adları qeyd olunan hərbi qulluqçular qəza nəticəsində xəsarət alıb:

Nəsibov Elvin İxtiyar oğlu

Vəzirzadə Xəzər Hilal oğlu

Babayev Mehman Cəfərqulu oğlu

Novruzov Müslüm Mürsəl oğlu

***
Mayın 3-də Kəlbəcər rayonu ərazisində şəxsi avtomobilin qəzaya uğraması nəticəsində xəsarət alan hərbi qulluqçumuz Fuad Cəlal oğlu Əhmədov vəfat edib.

Bu barədə APA-ya Müdafiə Nazirliyindən (MN) bildirilib.

Məlumata görə, qəza nəticəsində xəsarət alaraq yaxınlıqdakı hərbi tibb müəssisəsinə təxliyə edilən digər hərbi qulluqçularımız həkimlərin nəzarəti altındadırlar.

“Xidmətdən kənarda baş vermiş yol-nəqliyyat hadisəsi ilə bağlı araşdırma aparılır”, - MN-dən bildirilib.

***
Kəlbəcərdə ağır yol-nəqliyyat hadisəsi baş verib. 

Oxu.Az-ın əldə etdiyi məlumata görə, hadisə rayonun Qozlukörpü kəndi ərazisində baş verib. 

Belə ki, VAZ-2115 markalı avtomobil ilə DAF markalı yük maşını toqquşub. 

Hadisə nəticəsində minik avtomobilində olan şəxslər xəsarət alıblar. Onların hərbçi olduğu bildirilir. Yaralılar hospitala yerləşdiriliblər. 
Faktla bağlı araşdırma aparılır.