Yəhudi biznesmenin müəmmalı qətli - TƏFƏRRÜAT - FOTOLAR

Mayın 7-də öldüyü bildirilən israilli iş adamı Zeev Kifer Misirin şimalındakı İsgəndəriyyə şəhərində öldürülüb.

Ölkə.Az-ın xəbərinə görə, Livanın Əl-Məyadin telekanalı bildirib ki, onun qətlinə görə məsuliyyəti Misirin “Vanguards of Liberation - the group of martyr Mohammad Salah” (Qurtuluşun avanqardları - şəhid Məhəmməd Salahın qrupu) qruplaşması öz üzərinə götürüb.

İsrail mediası "Ynet" yazır ki, təsdiqlənməmiş məlumata görə, Kifer Kanada pasportunun sahibi olub, ondan istifadə edərək Misirə gedib, bu ölkədə bizneslə məşğul olub.

Səudiyyə Ərəbistanının “Əl-Ərəbiyyə” telekanalı onun yəhudi əsilli rusiyalı iş adamı olduğunu bildirir.

Mətbuatda yayılan məlumata görə, sahibkar son 9 ildə İsgəndəriyyədə yaşayır. O, tərəvəz və meyvə ixrac edən bir şirkətə sahib idi.