Güllələnən polislə bağlı DİN-dən açıqlama
Bakıda güllələnən polis əməkdaşının səhhəti və hadisənin detalları ilə bağlı rəsmi açıqlama veriləcək.
Ölkə.Az xəbər verir ki, bunu Trend-ə Daxili İşlər Nazirliyinin mətbuat xidmətinin əməkdaşı Orxan Mansurzadə deyib.
DİN rəsmisi bildirib ki, sözügedən hadisə ilə əlaqədar məlumatlar bir saatdan sonra açıqlanacaq.
Qeyd edək ki, Xətai Rayon Polis İdarəsinin əməliyyatçısı, polis baş leytenantı İltifat Bayramov bir neçə polis əməkdaşı ilə birgə xidmətdə olarkən naməlum şəxs onlara tapançadan bir neçə dəfə atəş açıb. Güllələrdən biri İ.Bayramova dəyib. Yaralı Daxili İşlər Nazirliyinin hospitalına yerləşdirilib.
Həyata keçirilən tədbirlər nəticəsində hadisəni törədən Yevgeni Antonov tutulub. Ondan hadisədə istifadə etdiyi “Naqan” tipli tapança götürülüb.
Faktla bağlı Xətai Rayon Prokurorluğu tərəfindən cinayət işi açılıb, istintaq aparılır.
Ölkə.Az
