Tut yeyərkən ölən 11 yaşlı Zəhranın FOTOSU

Xəbər verdiyimiz kimi, ötən gün Cəlilabadda 11 yaşlı Zəhra Niftiyevanı elektrik cərəyanı vuraraq öldürüb.

Ölkə.Az xəbər verir ki, o, Cəlilabad rayonu Günəşli kənd Əfilağa Həsənov adına 2 nömrəli tam orta məktəbin 5-ci sinif şagirdi olub.

Qeyd edək ki, mərhum ailədə üç bacı və bir qardaş olublar. Baş verən bədbəxt hadisə ilə bağlı TƏBİB də açıqlama verib.

Cəlilabad Rayon Mərkəzi Xəstəxanasından bildirilib ki, bu gün saat 18:25-də 2013-cü il təvəllüdlü (qadın cinsli) şəxs elektrik cərəyanı vurması səbəbilə xəstəxananın Təcili Yardım şöbəsinə hospitalizasiya olunub.

Xəsarət alan şəxsin həkiməqədər ölüm halı qeydə alınıb.

Faktla bağlı araşdırma davam etdirilir.