İrəvanın şəhərətrafında güclü partlayış olub - YENİLƏNİB - VİDEO

İrəvanın yaxınlığındakı Abovyan şəhərində qazdoldurma məntəqəsində baş vermiş güclü partlayış nəticəsində azı beş nəfər yaralanıb.

“Ölkə.az” xəbər verir ki, bu barədə ölkənin Səhiyyə Nazirliyi məlumat yayıb.

“İrəvan-Sevan yolunda baş vermiş partlayış və ardınca yanğın nəticəsində, ilkin məlumatlara görə, 5 vətəndaş xəstəxanaya yerləşdirilib”, – nazirliyin feysbuk səhifəsində diqqətə çatdırılıb.

***

İrəvanın yaxınlığındakı Abovyan şəhərində yanacaqdoldurma məntəqəsində güclü partlayış olub.

“Ölkə.az” xəbər verir ki, bu barədə “Baqramyan 26” teleqram kanalı bildirib.

“Abovyan şəhərində qazdoldurma məntəqəsində partlayış baş verib. Təfərrüatlar hələlik məlum deyil”, – kanalda qeyd olunub.