ADU-nun tavanı çökdü, 2 tələbə xəsarət aldı

Azərbaycan Dillər Universitetinin tavanı çöküb, 2 tələbə xəsarət alıb.

Azərbaycan Dillər Universiteti tələbələrinin Ölkə.Az-a verdiyi məlumata görə, bu gün universitetin 28 mayda yerləşən korpusunun tavanı çöküb. Uçqun zamanı tələbələr piləkənlərdə olduğu üçün zədələnənlər olub.

Tələbələrdən əldə etdiyimiz məlumata görə, iki tələbə zədələnib. Ancaq onların zədəsinin nə qədər ciddi olması barədə məlumat yoxdur.

Tavanın çökməsindən sonra dərslər yarımçıq saxlanılıb. Tələbələr evə buraxılıb.

Səxavət Məmməd

Ölkə.Az