Kürdəmirdə xəstəxanaya gətirilən 7 yaşlı uşaq ölüb

Kürdəmir rayonunda qrip olduğu üçün xəstəxanaya gətirilən 7 yaşlı uşaq ölüb.

"Report"un Yuxarı Şirvan bürosu xəbər verir ki, hadisə iyunun 14-ü saat 12 radələrində qeydə alınıb.

Belə ki, rayonun Cəyli kənd sakini, daun sindromlu 2017-ci il təvəllüdlü Soltanov Soltan Elman oğlu qrip olduğu üçün Kürdəmir rayon Mərkəzi Xəstəxanasına gətirilib.

Həkimlərin səyinə baxmayaraq azyaşlının həyatını xilas etmək mümkün olmayıb. Onun meyiti aidiyyəti üzrə təhvil verilib.

Hazırda araşdırma aparılır.