İsmayıllıda üç uşaq anası faciəli şəkildə öldü

İsmayıllı rayonunda qadını elektrik cərəyanı vuraraq öldürüb.

"Report"un Yuxarı Şirvan bürosu xəbər verir ki, Talıstan kənd sakini, 1977-ci il təvəllüdlü Göyçə Hacalı qızı Hüseynova həyətdə cücələrə su verərkən elektrik naqilinə toxunub və nəticədə onu cərəyan vurub.

Bildirilib ki, 47 yaşlı qadın 3 uşaq anasıdır.

Hadisə yerinə İsmayıllı rayonun hüquq-mühafizə orqanları əməkdaşları cəlb olunub, meyit aidiyyəti üzrə təhvil verilib.

Faktla bağlı araşdırma aparılır.