Qəzaya uğrayan təyyarədə azərbaycanlılar varmı?

Azərbaycanın Misirdəki səfirliyi bu gün Misirdə qəzaya uğrayan Rusiya sərnişin təyyarəsində Azərbaycan vətəndaşlarının olub-olmadığını araşdırır.

Ölkə.Az xəbər verir ki, bu barədə Trend-ə səfirlikdən məlumat verilib.

Azərbaycan Xarici İşlər Nazirliyinin mətbuat xidmətinin rəhbəri Hikmət Hacıyev Trend-ə bildirib ki, nazirlik ölkənin Rusiya və Misirdəki səfirliklərinə bu məsələni diqqətdə saxlamağı, rəsmi strukturlarla dəqiqləşdirməyi tapşırıb.

Qeyd edək ki, Şarm-əş-Şeyxdən Sankt-Peterburqa uçan "Airbus-321" sərnişin təyyarəsi bu gün Misirin Sinay yarmadasında qəzaya uğrayıb. Moskva vaxtı ilə saat 06:21-də havaya qalxan təyyarənin daha öncə radarlardan itməsi barədə xəbər daxil olub.

Son məlumatlara görə, təyyarənin qalıqları Misirin Sinay yarmadasında aşkarlanıb.

Təyyarənin göyərtəsində ekipaj üzvləri daxil olmaqla 224 nəfər olub.

Ölkə.Az