iPhone X işlədənlərə pis xəbər
"Apple" şirkəti üç məşhur qadcetinə vintaj statusu verib.
Ölkə.az oxu.az-a istinadən bildirir ki, vintaj cihazlar "iPhone X", birinci nəsil "AirPods" və birinci nəsil "HomePod"dur.
2017-ci ilin "iPhone X" "Touch ID" düyməsinin yoxa çıxdığı şirkətin ilk çərçivəsiz smartfonu olub. O vaxtdan bəri flaqman "iPhone" modelləri təhlükəsizlik üçün 3D üz skan sistemi olan "Face ID"dən istifadə edir. 2016-cı ilin orijinal "AirPodları" "Apple"ın ilk "TWS" qulaqlıqları idi. 2017-ci ildə təqdim edilən və 2018-ci ildə buraxılan birinci nəsil "HomePod" ağıllı evə nəzarət etmək imkanına malik dinamik sistem idi.
Vintaj statusu bu cihazların işinə təsir etməyəcək, lakin onların lazımi hissələri olmadıqda rəsmi "Apple" xidmət mərkəzi təmirdən imtina edə bilər. Gələcəkdə bu qurğular köhnəlmiş kimi təsnif ediləcək. "Apple" son rəsmi satışından yeddi il keçdikdən sonra cihazı köhnəlmiş hesab edir. Bundan sonra "Apple" Səlahiyyətli Xidmət Mərkəzləri bu cür cihazlara təmir və ya digər xidmət göstərməyəcək.
