İcra başçısı intihara cəhd etmək istəyən şəxslə danışığa gəldi

Hadisə yerinə bir neçə təcili tibbi yardım maşını və FHN-nin xilasediciləri gəlib

Xəbər verdiyimiz kimi, 9-cu mikrorayonda intihara cehd etmək istəyən şəxs yarımtikiliyə çıxıb.

Hadisə Zərifə Əliyeva adına Milli Oftalmologiya Mərkəzinin yanında Zeytun bağı kimi tanınan ərazidə tikilməkdə olan binada baş verir.

Hadisə yerinə  bir neçə təcili tibbi yardım maşını və FHN-nin xilasediciləri gəlib. Məlum olub ki, intihara cəhd etmək istəyən şəxs İlqar Məmmədov, yarımtikilinin sahibidir. Sahibkarı fikrindən daşındırmaq üçün danışıqlar aparılsa da mümkün olmayıb.

Hadisə yerinə Binəqədi rayon icra başçısı Xaləddin İbrahimov gəlib. İcra başçısı sahibkarı fikrindən daşındıra bilib. Sahibkar intihara cəhddən əl çəkib.(bizimyol.info)

Ölkə.Az