Yas mərasimində zəhərlənənlərin sayı 80 nəfərə çatıb - YENİLƏNİB
Gəncədə yas mərasimində zəhərlənənlərin sayı artıb.
APA-nın yerli bürosunun məlumatına görə, mərasimdə iştirak edən 80-ə yaxın insan xəstəxanaya çatdırılıb.
Zərərçəkənlərə tibbi yardım göstərilir, onların əksəriyyətinin vəziyyəti kafi və qənaətbəxş hesab edilir.
Faktla bağlı araşdırma davam etdirilir.
***
Göygöldə yas mərasimində kütləvi zəhərlənmə baş verib.
Hadisə rayonun Toğanalı kəndində qeydə alınıb.
Məlumata görə, 40-dan çox insan qidadan zəhərlənib.
Hadisə yerinə Göygöl Polis Şöbəsinin və Təcili Tibbi Yardım briqadasının əməkdaşları cəlb olunub.
Məlumata görə, Gəncə şəhərindən də hadisə yerinə Təcili Tibbi Yardım briqadaları yollanıb. Zəhərlənmənin vətəndaşların özləri ilə mərasim evinə gətirdiyi qidaların səbəb olduğu ehtimal edilir.
