Göygöldə dəhşətli qəza: 3 nəfər ölüb - YENİLƏNİB
Göygöl rayonunda 3 nəfərin ölümü 1 nəfərin isə ağır xəsarət alması ilə nəticələnən yol-nəqliyyat hadisəsi olub.
"Report"un Qərb bürosunun məlumatına görə, "KamAz" markalı yük maşını minik avtomobili ilə toqquşub.
Qəzada, 1968-ci il təvəllüdlü Y.Qasımov, 1991-ci il təvəllüdlü Ə.Əliyev və 1967-ci il təvəllüdlü A.Verdiyeva aldığı xəsarətlərdən dünyasını dəyişiblər.
Şəmkir rayon sakini, 1977-ci il təvəllüdlü E.Əliyev isə müxtəlif dərəcəli bədən xəsarətləri alıb və xəstəxanaya yerləşdirilib.
Faktla bağlı araşdırma aparılır.
***
Göygöldə ölümlə nəticələn yol qəzasında ölənlərin sayı 3 nəfərə çatıb.
"Ölkə.az" xəbər verir ki, bu barədə APA-nın yerli bürosu məlumat verib.
Ölənlərdən biri 1991-ci il təvəllüdlü Əvəz Əliyevdir.
Hələ ki, ölənlərdən yalnız bir nəfərin adı məlumdur.
